Ekspedisjon Vindeggen

Fantastiske dagar i høgfjellet med barfrost, islagte vatn, strålande sol, sovepose og telt, vanvittig utsikt og ikkje minst – topp motiverte og glade elevar.






Etter ein heller fuktig haust slo det til med knallvær då Ekspedisjon Vindeggen starta. 3  dagars fottur med overnatting i telt midt i november i  12-1300 meters høgde kan by på store utfordringar, men dette vart litt av ein tur. Maken til gunstige forhold er det ikkje ofte ein opplever. Totalt 16 stk la i veg frå  Skinnarbu med kurs for Vindeggen, 1516 moh og med mega utsikt. Etter 3 dagar endte vi opp i Svartdal etter å ha gått gjennom Brattefjell-Vindeggen landskapsvernområde.



Tidleg morgon i campen med Gaustadtoppen i bakgrunnen



Stålis på Helleskardtjønni og med Brattefjell, 1541 moh (høgaste toppen i Seljord) i bakgrunnen.



Kamilla, Malene og Eirik på ryggen mot toppen av Vindeggen. Tunga beint her.



Rett før toppen no!



Dugurd på toppen og med panoramautsikt (Gaustadtoppen bak)



Jorun i luftig svev




Intense fargar i novembersola



Turen vart sjølvsagt avslutta med ein flott solnedgang over Svartdalsheiane